လက်ရှိ NSSA အနေဖြင့် အောက်ပါဝန်ဆောင်မှုများအား ဦးစားပေးဆောင်ရွက်လျက်ရှိသည်။
(က) မြန်မာအလုပ်သမားများအတွက် လုပ်ငန်းခွင် အတွေ့အကြုံမှ ရရှိသော ကျွမ်းကျင်မှုအား အသိအမှတ်ပြုပြီး စစ်ဆေးအကဲဖြတ်ရေးနှင့် ကျွမ်းကျင်မှု အသိအမှတ်ပြုလက်မှတ် ထုတ်ပေးရေး၊
(ခ) သတ်မှတ်ထားသော အဆင့် (၄) ဆင့်ပေါ် မူတည်၍ လုပ်သား လိုအပ်ချက်များသော အလုပ်အကိုင်များအား အမျိုးသားအဆင့် ကျွမ်းကျင်မှုစံများ ရေးဆွဲသတ်မှတ်ပြဋ္ဌာန်းရေး၊
(ဂ) ပုဂ္ဂလိကကဏ္ဍနှင့် ပူးပေါင်း၍ ကျွမ်းကျင်မှု ဖွံ့ဖြိုးတိုးတက်ရေးအား ထိရောက်စွာ အကောင်အထည်ဖော်နိုင်ရေးအတွက် သက်ဆိုင်ရာကော်မတီများအား စွမ်းရည်မြှင့်တင်ရေး၊
(ဃ) လုပ်ငန်းခွင်အတွင်း လိုအပ်သည့် ဘေးအန္တရာယ်ကင်းရှင်းရေးနှင့် လုပ်ငန်းခွင်ကျင့်ဝတ်ဆိုင်ရာ စံချိန်စံညွှန်းများအား ထည့်သွင်းကျင့်သုံးခြင်းဖြင့် ကျွမ်းကျင်မှုစံ အခြေပြု စစ်ဆေးအကဲဖြတ်ခြင်းနှင့် လေ့ကျင့်ခြင်းများ၏ အရည်အသွေးအာမခံချက်ရှိစွာ မြင့်မားလာစေရေး၊
(င) ကျွမ်းကျင်မှု "စံ" အခြေပြု စစ်ဆေးအကဲဖြတ်ရေးဌာနများ ထူထောင်ခြင်း၊ လေ့ကျင့်ရေးအစီအစဉ်များ ပံ့ပိုးပေးခြင်း၊ နည်းပြများနှင့် စစ်ဆေးရေးမှူးများအား လေ့ကျင့်ပေးခြင်း။